Kategorie: Bauernzentrale/Centrale Paysanne

 Eng Delegatioun vun der Bauerenzentral huet sech um Mëttwoch mam Ëmweltminister Serge Wilmes getraff. An de Gespréicher goung et ëm d’Nitratdirektiv, Upassungen um Naturschutzgesetz, Kommodo/Inkommodo vun de Bauerebetriber,  Ofdeckunge bei de Güllebehälter an d’Opstelle vu PV-Anlagen an aner Theme méi. An enger agreabeler Atmosphäre  huet de Minister betount, dass een d’Suerge vun de Bauere ganz eescht géif huelen a gemeinsam mat Secteur géif no praxisorientéierte Léisunge sichen.  D’Bauerenzentral ass nom Treffen optimistesch gewiescht, dass nom d’Regierungswiessel erëm eng besser Zesummenaarbecht  méiglech ass. #MirLieweLandwirtschaft

De Christian Wester huet als President d’Bauerenzentral um 1. Landwirtschaftsdësch den 3. Mäerz um Schlass zu Senneng vertratt. Am Video verréit hien, wat vun dëser Reunioun zeréckzebehalen ass. Klickt op d’Bild fir de Video ze kucken. #MirLieweLandwirtschaft

Dëser Deeg misst all Walberechtegten säin Ziedel fir d’Walen zur Landwirtschaftskammer krut hunn. Do derbäi léit och en Ziedel, wéi de Wieler säin Ziedel muss ausfëllen, dass e valabel ass. Mir wëllen hei op verschidde Punkten hiweisen, déi villäicht net ganz kloer eriwwer kommen:

Verschidde Léit hu sech gewonnert, dass hire Walziedel fir d’Kammerwalen nach net ukomm ass. Wéi mir gewuer gi sinn, huet de Landwirtschaftsministère d’Ziedelen e Freideg, 1. Mäerz fortgeschéckt. D’Walziedelen dierften also e Méindeg oder Dënschdeg bei jidderengem ukommen. Erënnere mir drun, dass et eng reng Bréifwal ass an also just esou kal gewielt ginn. Och mussen d’Enveloppe virum (!) 14. Mäerz an der Post sinn (de Poststempel zielt). #MirLieweLandwirtschaft

Dir wëllt eis Kandidate besser kenneléieren? Ma dat klickt hei op eiser Internetsäit op de Button op der rietser Säit „Landwirtschaftskammerwalen ’24” an do ob de Menüspunkt Videos. Bis ugangs Mäerz gëtt all Dag en neie Video publizéiert.

De belsche Radio RTBF huet viru kuerzem bei eisem Präsident de Bols vun de Lëtzebuerger Bauere gefillt. Wann dir wësse wëllt, wat en erzielt huet, da klickt op de Link fir den Artikel ganz ze liese:. https://www.rtbf.be/article/grogne-agricole-les-agriculteurs-luxembourgeois-restent-muets-mais-se-disent-solidaires-11322585

Hei drënner fannt dir eise Programm am Hibléck op d’Wale fir d’Landwirtschaftskammer de 14. Mäerz 2024. Aus Grënn vun der besserer Verständlechkeet ass de Programm ganz op däitsch geschriwwen. Bei Froe kënnt dir iech un eist Sekretariat adresséieren och an enger vun eisen Informatiounsversammlunge laanscht kommen, wou dir och eis Kandidate kënnt kenneléieren. PROGRAMM DER BAUERNZENTRALE Eine Annäherung der Landwirtschaftsvereinigungen über alle Ausrichtungen hinweg anstreben.

Dëser Deeg ware mir ënnerwee fir kleng Presentatiounsvideoe vun eise Kandidaten ze filmen, déi een ab e Freideg, 2. Februar, kann op eiser Facebook-Säit an eben hei op eiser Homepage gesinn. All Dag léiert Dir en neie Kandidat kennen. #MirLieweLandwirtschaft