Kategorie: Archiv

Bass Du och mat derbäi?

D’Präsenz vun der Centrale Paysanne op der Foire Agricole de leschte Weekend zu Ettelbréck war e grousse Succès. Lauschtert eran wat de Präsident Christian Wester am Kader vun der FAE am Interview dem Camille Ney erzielt huet. Klickt op de Link fir de ganzen Interview ze héieren. #MirLieweLandwirtschaft https://www.facebook.com/watch/?v=364587865615547

Um Freidegmoien geet d’Foire Agricole zu Ettelbréck ob. Natierlech gëtt dëser Deeg bei all Exposant nach vill geschafft a virbereed. Dat ass och bei der Centrale Paysanne net aneschter. An och „De Letzeburger Bauer“ kënnt natierlech erëm mat enger Spezialnummer vun 28 Säiten eraus. Dir kritt d’Zeitung gratis um Stand vun der Bauerenzentral. Hei e puer Fotoë vum Sonja vum Site um Donneschdeg. Mir freeën eis schon ob d’FAE. An Dir?

No zwee Joer Paus si mir erem mat engem eegene Stand ob der FAE vertrueden. Mir ginn Iech Rendezvous tëschent dem 1. an dem 3. Juli zu Ettelbréck. Am Video gitt Dir elo scho gewuer, wat do lass ass. Klickt drop a scho geet et lass. #MirLieweLandwirtschaft

E puer dausend Léit hate sech den 19. Juni um Haff Wester zu Alzeng um Fest vum Service Jeunesse afonnt. Klickt ob de Link fir Fotoe vun dëser Organisatioun ze gesinn. #MirLieweLandwirtschaft https://www.wort.lu/de/panorama/zu-besuch-bei-bauer-guy-62af1092de135b923684e740

Och d’Centrale Paysanne ass e Sonndeg, 19. Juni, um „En Dag um Bauerenhaff“ um Haff Wester zu Alzéng (Rue de Syren) mat engem Stand vertrueden, dee mir eis mat der Wochenzeitung fir d’Landwirtschaft, dem „Letzeburger Bauer“, deelen. Kommt tëschent 10 an 18 Auer bis laanscht eis Moie soen an e puer Wuert poteren. Mir waarden ob iech! #MirLieweLandwirtschaft

E Sonndeg, 19. Juni, ass vun 10 bis 18 Auer erem den traditionellen Dag um Bauerenhaff, dee vum Service Jeunesse organiséiert gëtt. No zwee Joer Paus, déi duerch d’Pandemie ze erkläre war, fënnt de Comeback um Haff vun de Gebridder Guy a Christian Wester zu Alzéng (Rue de Syren) statt. De „Bauer Guy“ ass beschtens bekannt aus der däitscher Fernsehserie „Bauer sucht Frau“. Kommt a maacht iech selwer e Bild, wéi et bei him um Haff ausgeséit. De ganzen Dag iwwer sinn e ganze Koup […]

No enger Zwangspaus gëtt et 2022 endlech erëm en Dag um Bauerenhaff. Dëst Joer geet et den 19. Juni bei de Bauer Guy ob Alzéng. Notéiert Iech den Datum alt schonn, weider Informatiounen kommen no.

Um Donneschdegmoien huet sech hei zu Lëtzebuerg eng Delegatioun vun der Bauerenzentral mat Vertrieder vum Bauernbund aus Éisträich getraff, fir iwwert d’Erausfuerderungen a Suerge vum Beruff an deenen zwee Länner zwee schwätzen. Et war en agreabelen Austausch an enger konstruktiver Ambiance. Ob eiser Foto geséit een de President vun der Centrale Paysanne, Christian Wester, mam Präsident vum Bauernbund, dem Här Georg Strasser (r.). Lénks am Bild den Direkter vum Bauernbund, den Här Norbert Totschnig. Foto: Paul Krier

Knapp 250 Baueren, Gäertner a Wënzer haten sech um Donneschdeg zu Mertzeg afonnt, fier hierer Onzefriddenheet iwwert den Nationale Strategieplang Loft ze maachen. Ob Initiative vun der Landwirtschaftskammer an ënner Mathëllef vun der Bauerenzentral an den aneren Interessevertriedungen hunn déi verschidde Riedner ob d’Wichtegkeet vun der Landwirtschaft zu Lëtzebuerg higewisen an dem Minister Claude Haagen ze verstoe ginn, dass et an Zukunft “nemmen mat eis” zesumme goe kann. #MirLieweLandwirtschaft Foto: (c) Laurent Schüssler