De „Président sortant“ vun der Landwirtschaftskammer hut bei de Wale mat 2.345 Stëmmen mat Ofstand déi meeschte krut. Den 2. an 3. Gewielten am Total, Marc Fisch a Christian Wester, kommen op 1.918 resp. 1.893 Stëmmen.
Op d’Lëschte gekuckt bléift d’Centrale Paysanne mat 39,54% vun de Stëmmen Nummer 1 a kënnt op 6 Sëtz. Am Verglach mat de Wale virun 10 Joer verléiert si awer 2 Sëtz. Aktiv Bauere kommen op 33,24% (5 Sëtz) an FLB-Allianz op 27,22% (4 Sëtz).
D’Landwirtschaftsministesch Martine Hansen wäert an den nächsten Deeg déi gewielte Kandidaten op d’Assemblée constituante vun der neier Kammer invitéieren.
Déi Gewielte vun der Bauerenzentral: Guy Feyder, Marc Fisch, Christian Wester, Nora Feyder, Marc Nicolay a Romain Weirich. Ersatzmemberen: Sam Mille, Romain Freichel, Felix Miny, Joé Biver, Nicole Lafleur-Rennel a Jeff Schroeder.
